خلال استضافتها ليلة الأربعاء في برنامج تحت السور على قنا التاسعة، ردّت الأستاذة الجامعية ألفة يوسف على الإنتقادات التي طالتها مؤخرا بسبب التدوينة التي قامت بنشرها والتي قدمت فيها نصيحة للمقبلات على الزواج ودعتهن إلى عدم الارتباط بالرجل الذي يحب والدته حبا مرضيا، وقالت ألفة يوسف ردا على المنتقدين :"
حبيت نوضح إلي بالستاتي مانقصدش في حب الأم بصفة عامة وأنا نموت على امي ونحبها والناس الكل يحبوا امهاتهم يظهرلي ... لكن أنا نتكلم على الحب المرضي والأم إلي تعتبر ولدها ملكها وهذا موجود ، الابن ماهوش ملكك راهو وأنت روحك بيدها ماهيش ملكك ... الحب المرضي هذا تخلي علاقة الأم وابنها ماتنفصلش وتخلي علاقة الأم بزوجة ابنها علاقة سلبية مهما كانت ... مهما كانت المرا إلي باش تاخذ ابنها باش تعتبرها ضرتها لأنها علاقة مرضية ، أنا حبيت نوري الفرق بين الحب والحب المرضي ...".
وأضافت :" فما خيط رفيع بين الحب والتملك وهذي مصيبة كبيرة ، وفما كلمة خطيرة تقولها الأم هي "يحرم عليك حليبي" ياخي حليبك مزية هو ؟ هذي حاجة خطيرة وماكش عامل عليه مزية ومافما حد عامل مزية على حد فما ربي هو إلي عامل علينا مزية ... الاحسان إلى الوالدين أمر ضروري مافيهاش نقاش ولكن أنا نقصد الحب المرضي".
الفيديو :
Tags:
اخبار جهوية