تحدثت النقابة التونسية للمهن الموسيقية و المهن المجاورة عن تعرض العازف حسين بن ميلود إلى الاعتداء اللفظي من قبل الفنانة امنة فاخر.
وعبرت أمس الثلاثاء 14 جوان الجاري النقابة التونسية للمهن الموسيقية والمهن المجاورة عن مساندتنا للعازف حسين بن ميلود و طالبن الفنانة امنة فاخر الاعتذار العلني والفوري
و جاء في البلاغ الذي نشرته على صفحتها الرسمية الفايسبوك كالتالي '' نقول هذا لمعرفتنا الجيدة بأخلاق آمنة فاخر التي تصرفت على إثر تشنج غير مقبول تجاه عازف مشهود له بحسن الأخلاق و التربية...''
و كان هذا العازف قد نشر تدوينة على صفحته الرسمية الفايسبوك قال فيها ''يعجبكشي في هالبلاد وين وصلنا فنانة شطر قصبة بعواقة الي تدعى آمنة فاخر كلمتني على تسجيل صولو في ستوديو طلبت منها بكل لطف باش ناخوا حقي بعد التسجيل قاتلي غدوة خاطر ليوم باش ترصيلها طالعة للستوديو باش تخلصني ميساعدهاش سيادتها ههه قلتها تو نسجل غدوة مالا كيف تجي لفلوس قالت كيفاه و استوديو بستنى ليوم قلتلها مالا شوف واحد آخر واكهو خاطر أنا هكا نخدم ترجع عليا تقلي بالحرف الواحد "بول عليك"
هاذي قطرة من بحر في ها الدومان في هالبلاد العزيزة خاطر الله غالب بڨر الله في زرع الله".
هاذي قطرة من بحر في ها الدومان في هالبلاد العزيزة خاطر الله غالب بڨر الله في زرع الله".
وردّا على ذلك نشرت الفنانة آمنة فاخر منذ قليل تدوينة تعتذر فيها من العازف المذكور وجاء فيها :"
اعتذار، حسين بن ميلود
بعد الي صار البارح حبيت نقدم اعتذاري لصديقي و خويا الفنان حسين بن ميلود، على كلمة صدرت مني في لحظة غش و ضغوطات مهنية و عائلية.
حسين بن ميلود ما عرفتوش لبارح، عشرة سنوات، خدم معايا مهرجانات و شارك معايا في اغلب انتاجاتي و هوني ينجم يشهد الملحن سليم عبد الله اني انا الي كنت حريصة انو هو الي يسجل على خاطر نحبو انسانيا و نعرف قيمتو موسيقيا.
انا كنت موجودة في الاستوديو يوم الاثنين وهو ماكانش ينجم يجي فحجزت حصة اخرى يوم الثلاثاء خصيصا ليه هو.
وفي معاملتي الي سبقت معاه ومع غيرو من الموسيقيين ينجم يشهد هو ولا اي حد اذا مرة وخرّت على حد في مستحقاتو المالية.
انا ليوم نعتذر منو هو، اما مستاءة من برشا كانت نعتبرهم صحابي و خواتي اما في بلاصة لا حاولوا التدخل بالكلمة الباهية لقيتهم يحرضوا و يشعّلوا في النار و فما حتى الي سمح لروحو انو يسبني و ينعتني ببرشا اوصاف خايبة.
العازفين لكل نعتبرهم خواتي و فرحت في افراحهم و تجمعني باغلبهم عشرة كبيرة، سافرنا مع بعضنا و خدمنا في تونس لكل مع بعضنا.
انا ليوم نعتذر من حسين اما زاده نقول للناس لكل حطو ربي في بالكم و حاولو تجمعو ما تفرقوش رانا عايلة وحدة.".
الفيديو :
Tags:
منوعات