تحدّثت الكرونيكوز التونسية مايا الماجري خلال استضافتها في برنامج Samedi plus مع الإعلامية ميساء باديس عن تجربتها ككرونيكوز في برنامج تلفزيوني و كيف كانت بداياتها مؤكدة أنها تعتبر نفسها أجمل فتاة و تستحق الأفضل .و قالت :" أنا كرونيكوز بالمعارف و جيت بالذمة من بريطانيا باش نعمل معاك الانترفيو خاطرني قارية 8 سنين بعد الباك و قريت 6 سنين Business و أنا ingénieure d'affaires وقريت عامين informatique زادة و قرايتي كانت بين تونس و لبرة و حالي أنا مقيمة في لندن.. أنا في الخدمة stricte علخر و يخافو مني و صعيبة معاهم الخدامة متاعي أنا نرى روحي نستحق نكون موجودة في الساحة الإعلامية خاطر عندي ثقافة و انا مزيانة و عندي ما نقول في روحي و مانراش وحدة أخرى أحلى مني والا أجمل مني".و أضافت متحدّثة عن حياتها الخاصة :"قاعدة نعيش في قصة حب مع رجل أعمال تونسي عايش في فرنسا و مازالت في البدايات و بدأت قصة الحب صدفة هو شافني على انستغرام وأعجب بيا هو مزيان علخر و في أواخر الثلاثينات..عمري لا تعرفت على رجل عادي و انا المحيط متاعي لكلو ناس أغنياء و لباس عليهم .أنا راجل الأعمال التونسي الي أنا عايشة معاه قصة حب توا هدالي صياغة بقيمة أكثر من 200 مليون وهاذي حاجة عادية موش حاجة كبيرة و هو يخلص عليا في سفراتي لكل و مالي الخاص نستحفظ عليه .".الفيديو :
Tags:
منوعات