محامي يكشف معطيات صادمة :"الأمن اختطف منوبنا من أمام قاعة الجلسة.. والقاضية متواطئة معهم

قدم المحامي أيوب الغدامسي اليوم الثلاثاء 11 أكتوبر 2022، خلال حضوره في برنامج في 90 دقيقة على إي أف أم، معطيات صادمة حول قضية يترافع فيها رفقة عدد من زملائه، حيث أكد المحامي أن منوبة تم اختطافه من قبل الأمنيين أمام قاعة الجلسة 

ووقع الاعتداء عليه، متهما القاضية المتعهدة بالقضية بالتواطئ والتدليس.

 

1 قول الغدماسي

وقال الغدامسي:ّ" صورة لظهر منوبنا المتهم في قضية أمام محكمة الناحية بقرطاج، المنوب هذا مستفيد من خدمات الرابطة التونسية للدفاع عن حقوق الانسان منذ مدة، باعتبار أنو هناك عدة سوابق بينو وبين الأمنيين كل مرة يتعرضولو ويقع إيقافو على خلفية مشاكل في المنطقة اللي هو يسكن فيها، فالتجؤوا للرابطة، اتصلت الرابطة التونسية للدفاع عن حقوق الانسان في الحجر الصحي الشامل، عنا زوز مواطنين تم الاعتداء عليهم بعد ما اقتحموا منزلهم أعوان الأمن واقتادوهم للمركز، كيما مشينا نلقاوهم مالمركو هزوهم لقاضي الناحية، وكيل الجمهورية أحالهم على قاضي الناحية في قرطاج، الراجل مقدمينو في حالة إيقاف والولد هارب، هرب لأنو كي خلطو عليه البوليسية للدار دخلو لقاو بوه ضربو البو كسرولو الفك السفلي متاع فمو وعندو أثار عنف أخرى في راسو وفي ظهرو والولد لاذا بالفرار، كي توقف البو مشا للجلسة هزينا الولد على أساس مقدم روحو للمحاكمة على اعتبار وأنو صاحب حق هو ضحية اعتداءات وتوجهتلو التهمة بش يدافع على روحو ويطالب بحقو، نتفاجؤو أنو قدام المحكمة يقع اختطافو من قدام قاعة الجلسة الأمنيين متاع منطقة حلق الوادي والكرم الشرطة العدلية تختطفو وتهزو لمكان غير معلوم بالنسبة لينا، إلى حد لهنا ظهر منوبنا ما عندو حتى أثر، ظهرو لاباس، اتصلنا بالقاضية قلنالها راك شفتهم الأمنيين كيفاش خطفوه شفتو اللي هو داخلك للجلسة بش يتحاكم، استجاب للطلب متاع القضاء، وقالك أنا جاهز بش تقاضيني المحكمة، يخطفوه قدامك، قالت لا وأنا حاجة ما تعنينيش خارج المحكمة في حين أنو بالقانون، القاضي راهو مسؤول على قاعة الجلسة وعلى باب قاعة الجلسة وعلى باب المحكمة.. السبب متاع اختطافو هو التصويرة اللي عديتوها، هاذاكا صارلو وقتلي هزوه من قدام قاعة الجلسة، كي لوجنا عليه في مركز الكرم ومركز حلق الواد ومركز قرطاج، ما لقينالوش أثر واتصلنا بالنيابة في تونس بش تشوفلنا وين مشا هذا خطفوه ووقفوه ما نعرفوش عليه وين مشا، وقتها قالولنا هاو موجود في بوشوشة تعيطلو القاضية، نهار السبت تحل محكمة الناحية بالذمة وتعيطلو من غير ما تستدعانا نحنا كمحامين، في حين أنو أسماءنا موجودة في الملف وعناوينا موجودة وهواتفنا موجودة، تعيطلو وتهددو، تقلو إذا تحكي على اعتداءات ولا اختطاف راني نوقفك يطيح هو يدوخ، تفرج عليه، هي بيدها تفجعت وقتها وأفرجت عليه، جانا لقينا الآثار هاذي صورناه نهار اللي أفرجت عليه بالسبت في القايلة، هاذيكا آثار الاعتداءات اللي صارتلو مالأمنيين اللي هزوه وهو قدام المحكمة، يعني من مسؤولية المحكمة... المداهمة اللي صارت للدار ما في بالهمش الأمنيين اللي هي موضوع تسجيل فيديوات من قبل أبناء الحي، أبناء الحي صورو الفيديوات، كيفاش اقتحموا كيفاش ضربو من فوق السطح يصورو وموثق، الأمنيين مازال ما في بالهمش، فبالتالي كي يوقفو ويبعدوه بالنسبة ليهم ينجموا يحرفوا الوقائع ويقولو اللي يحبو، الرواية متاعهم هي اللي تتعدا، كي توقف وفهموا أنو التسجيلات موجودة عند المحامين وعند المحكمة، سيبوه هزوه للمحكمة قالو للقاضية حل المحكمة حلتها، اللي صار هنا توة مالمفروض تقوم هاذيا جرائم واعتداءات متاع بوليسية شمدخل المحكمة فيها، نقلك صحيح إلى حين أنو توجهنا للمحكمة وقلنالها نطلبو منك أنك توفر الحماية للسيد هذايا، تضمنلو حقوقو، السيد تخطف من قدامك وما حركتش ساكن، السيد جاك مضروب في الجلسة وقلنالك راهو اعتداو عليه وطالبين عرضو على الفحص الطبي ترفض وتقول لا هوكا عندو شهادة طبية تكفي...

نعرف المحامين ورجال القانون يعرفو الفرق بين الشهادة الطبية وبين العرض على الفحص الطبي، كي تعرضو على الفحص الطبي معناها بش يحددلك نسبة سقوط يعني فما الأضرار تتحدد وفما مسؤولية وفما قضية، شهادة طبية وحدها ما تكفيش، أكثر من هذا نكتشفو أنو القاضية دلست محضر جلسة، بحضور زميلنا كي خطفو حسان منوبنا ومشينا نحنا نلوجو عليه في المراكز خلينا زميلنا مع بو حسان اللي هو موقوف في الجلسة وتعدات الجلسة، في مرافعتو هو يقلها راهو اختطف من قدام قاعة الجلسة، نجيو نصوروا محضر الجلسة بعد نهارين نلقاوها كاتبة فيه اللي هو تم إيقافو أمام مقر سكناه، يعني مش تتستر على البوليسية مش تبرأ فيهم، قلنالها راك مشاركة في الاعتداءات وفي الجريمة اللي ارتكبوها في حق منوبنا، ما أوضحش مالصورة هاذي، انت ما حميتوش وفي نفس الوقت تسترت معاهم وشاركت معاهم في الجريمة، هاجت وماجب القاضية، ورفضت أنها تستجيب لمطلب التأخير متاع الأستاذ إلا أنو مبعد نقدمو إعلامات نيابة جديدة وإجراءات جديدة بش فرضنا جلسة أخرى".

الفيديو :