بريد الصفحة 🔞☢❌❌❌
"اليوم جيت نحكيلكم على قهرتي نهار الجمعه 24 جوان وخيتي شدها الحس متاع لولاده توجهت لسبيطار حفوز الي بدورو بعثها لابن الجزار في القيروان و طمنوها الي لولاده طبيعيه و مفما حتى مشاكل تمشي اختي للقروان و تدخل لسبيطار الي يخليوها قاعده على كرسي اكثر من ثمنيه سوايع مرا حبله و على ولاده يخليوها من الخمسه نتاع لعشيه ل نصف الليل غير ربع و هيا على كرسي يا عباد ربي ريتوش انعدام انسانيه كيما هكا و كيف تكرمو و دخلوها تولد تعسرت عليهم الولاده الطبيعيه دوروها قيصريه وهوما يولدو فيها ضربولها رحامها و وقعلها نزيف كبير يعملو هكا و يهزوها للاغالبه راني مقهور على وخيتي صغيره مرات من الدنيا شي يهزوها للاغالبه يوقفولها النزيف و فيسع يرجعوها لابن الجزار في الثنيه و بسبب التحريك يرجعلها النزيف تفيق هيا وقتها شوي و تكلم الي معاها تقلها يا مدام راني نتنفس بسيف و قلبي غام عليا و راو النزيف موقفش تجاوبها بنطره و تكبر و تقلها انتي تعرف خير من الطبيبه حاجة طبيعيه الي قاعده تحس فيه راك كنت تحت العمليه و بقات مع النزيف اكثر من اربع ساعات و هيا تكلم في اختها تشكيلها فكتلها التليفون و قالتلها وقت تاليفون توا ولدك مشوه خشمو في خده و راسو معوج و انتي تحكي في التاليفون وقت سمعت لكلام داخت و وقتها اكتشفو الي نزيف موقفش دخلوها للعمليه مره اخرى و نحاوولها رحامها و بعدها رجعوها للانعاش في الاغالبه الي منجمو يعملولها شي و توفات اختي بعد ثلاث ايام عذاب توفات بنت 29 سنه و خلات وراها وليد عمرو عامين و سبعه شهور و وليد عمرو جمعه خلاتهم ايتامى مشبعوش منها و لا هيا فرحت بيهم و لا عاشت معاهم الي كل ام تتمنى تعيشو مع صغارها انا نحكيلكم نحبكم تاقفو معايا و حق اختي ميضيعش كيما الي قبلها نحبكم تاقفو معايا باش المجرمه و الجزارين الي في ابن الجزار يتحاسبو كل مره يعملو مصيبه و يخرجو منها في هالبلاد حتى المرض يفرقو بين لمعارف و الي عندو و الزوالي الي معندو حد كان ربي يمشي في العفس
#حق مبروكة
Tags:
اخبار وطنية