لمقادير:
5 أكواب دقيق
معلقتين كبار لبن بودرة
معلقتين كبار خميرة فورية + 2/1 كوب ماء
معلقة صغيرة ملح
معلقة صغيرة سكر
2/1 كوب زيت ذرة
كوب ونص ماء دافيء
بيضة
معلقة صغيرة بيكنج بودر
طريقة التحضير:
نحط الدقيق في وعاء كبير ونضيف عليه الحليب البودرة والملح والبيكنج بودر ونحرك الخليط علشان تختلط مكوناته
نضيف البيضة ونفرك بأصابع اليد وبعدين نضيف الزيت ونفرك برضه لحد لما نلاقي العجينه زي فتات الخبز
نضع الخميرة والسكر في نص كوب ماء دافيء ونقلبهم لمزجهم مع بعض ونسيبها على جمب ..ولما ترتفع نضيفها على العجين ونفركه برضه وبعدين نضيف الميه نبدأ بالعجن بإدينا كويس لحد لما نلاقيها مش بتلزق في إيدينا.
نضيف المزيد من الماء أو الدقيق إلي العجينة لو حسينا إنها بحاجه ليهم .
نغطي الخليط بكيس من النايلون او منشفه ونضعه في مكان دافيء ونتركه لمدة ساعتين.
نطلع العجينة على سطح مرشوش بالدقيق ونعجن مره تانيه نقسم العجين .
نحضر صواني الخبز وندهنها بالزيت ونرش عليها قليل من الدقيق.
نفرد العجينه في الصواني ونخرمها بالشوكة.
نحضر الصلصة:
المقادير:
6 حبات طماطم مقطعة قطع صغيرة
2 معلقة صلصة كبيرة
2/1 معلقة توم بودرة صغيرة
ملح + فلفل أسود + شطة
2/1 معلقة جنزبيل بودرة
3 معالق زيت ذرة أو زيتون
الطريقة:
نحضر قدر ونضيف الزيت والطماطم والصلصة والبهارات ونسيبها لحد تشرب ميتها ونطفي عليها ونسيبها على جمب لحد ماتبرد خالص مانحطهاش على العجينه وهي سخنه علشان ماتبوظيش العجينة.
الحشو:
فلفل رومي أو حار مقطع حلقات
مشروم مقطع
زيتون مقطع
بصل مقطع حلقات
جبن موتزاريلا مبشور
يمكن إضافه أنواع أخري من الجبنات بعد بشرها بجانب الموتزاريلا
(أي نوع من اللحوم مثل: البسطرمة أو التونة مصفاه من الزيت أو السوسيس)
متشوحين بشوية زيت الأول ماعدا التونه تضاف علي طول من غير تشويح
طريقة الحشو:
نوزع الصلصة اللي جهزناها على وش العجين ونضيف فوقيها الجبنة الموتزاريلا وبعدين نوع اللحم اللي هتضفيه والزيتون والبصل والفلفل والمشروم وندخلها الفرن ولما تستوي نطفي نار الفرن ونطلع الصينيه ونرش رشة جبنة موتزاريلا تانيه فوق الوش وندخلها تاني ونولع الشوايه لمده دقيقة أو إتنين لحد ماتسيح الجبنه الموتزاريلا.
